十個有九個都帶著後悔進棺材，我唔想成為其中一個。 人生流流長，朋友，你有冇邊件事令你感到後悔至今呢？面對那已經不可挽回嘅後悔，你又會選擇如何處理呢？在《毒舌大狀》中，黃子華飾演嘅林涼水，給了我們一個很「黃子華」嘅答案。 《毒舌大狀》故事講述嘅係一位由裁判官剛轉為執業嘅刑事大律師林涼水，其復出第一宗案件是涉及香港第一家族鍾家嘅模特兒虐兒案。出山執業第一炮，經過十多年在法律界嘅高不成低不就，林涼水面對平生最憎嘅「契弟」權貴，第一次出現想攀附/「奶」一次嘅想法—想為自己籌謀一次、想令自己過得舒服一次。 可悲嘅係，就係呢一次，林涼水令一個痛失女兒嘅媽媽背負虐兒嘅罪名，就此坐上十七年的冤獄；就係呢一次，令林涼水終生都背負一個「害人」嘅污點，一個足以纏繞終生嘅「後悔」。 在戲中，經過兩年後，林涼水因案中證人的遺書而有「翻案」嘅機會，一次挽回後悔嘅機會。可惜，在現實中，我們並沒有逆轉的超能力，亦無拿著抑惡揚善的劇本，很多時候，我們只可以成為林涼水口中九個人之一：帶著後悔到最後的那位。 如果唔想成為那十分之九，我們應如何成為那十分之一呢？ 說到如何面對後悔，我們不能不提劇中的主角黃子華。作為眾所皆知嘅香港棟篤笑之王，黃子華卻存在一個不可忽視的污名—「票房毒藥」，在其1999年的楝篤笑拾下拾下，黃子華表示自己入行十多年，曾拍過二、三十套戲，卻無一套嘅票房係「收得」。佢甚至指已經去到一個地步為咗令套戲收得，會請導演不在戲中落自己名宣傳，當然以上存在棟篤笑嘅誇張，但作為一個立志做電影演員嘅人，即使在棟篤笑、電視劇上獲得再多成功，「票房毒藥」四個字，始終是黃子華心中嘅刺。 所以，當坊間都紛紛叫黃子華專心做棟篤笑、電視劇時，黃子華仍然繼續追逐自己嘅電影夢，為嘅就係唔想成為那帶著後悔的十分之九。由2002年《一蚊雞保鑣》嘅低票房，低口碑到《楝篤特工》、《乜代宗師》嘅高票房，低口碑，到最近兩套《飯氣攻心》、《乜代宗師》嘅高票房，高口碑作品。棟樑笑、電視劇、舞台劇，這些黃子華擅長做的，作為完成黃子華電影夢嘅踏腳石。黃子華用自己嘅時間、能力去改變纏繞半身的後悔。 勇氣、能力、時間，是黃子華挽回後悔嘅三大元素，無獨有偶，亦是劇中林涼水為翻案而付出嘅元素。 人生流流長，不可能沒有遺憾、後悔的事。我們除了要學會避免製造更多遺憾外，更需要嘅係，當有機會去改寫自己嘅後悔時，我們又有沒有勇氣、能力去踏前一步，將過去挽回呢？ 人生進程注定有高低起跌的旅程，但如何在跌倒後拾級而行，便是我們一生的課題。 希望大家可以成為那十分之一的人。